Қирғизистон терма жамоаси бош мураббийи Александр Крестинин ЦСКА яримҳимоячиси Илзат Ахметов унинг жамоасида ўйнамаслигини маълум қилди.
20 ёшли футболчи - Бишкек шаҳрида туғилиб ўсган. Болалигида "Олға" жамоасида ўйнаган. Мактаб даврида Тольяттидаги футбол академиясида ўтказган.
- "Реал" билан ўйиндан сўнг Ильзат Ахметов Қирғизистон терма амоаси учун бутунлай йўқотилдими?
- Менимча, бу бунгача ҳам аниқ эди. "Реал"га қарши ўйин бунга таъсир қилмади.
Москвада бўлганимда Илзатнинг олдига, Қозон шаҳрига кириб ўтмоқчи эдим, аммоу ҳам, унинг отаси ҳам телефонини кўтармадилар. Улар ўз позицияларини маълум қилиб бўлганлар. Улардан хафа эмасман. Ҳар ким ўз йўлини танлайди.
У бизда ўйнаса, Россияда легионер бўлиб қолади. У фаолиятини Россия орқали қурмоқчи. Бу унинг ҳуқуқи, буни ҳурмат қилишимиз керак. Бу нормал ҳолат", - дейди Крестинин.
