Европа лигаси гуруҳ босқичининг 2-турида қозоғистоннинг "Астана" клуби франциянинг "Ренн" клубини мағлуб этди - 2:0.

Голларни майдон эгалари футболчилари Бахтиёр Зайнутдинов ва хорватиялик яримҳимоячи Марин Томасов урдилар. Шу тариқа қозоқ клуби гуруҳ босқичида биринчи ўринга кўтарилиб олди, французлар эса биринчи мағлубиятга учрадилар.

"Астана" 4 очко билан К гуруҳини бошқариб турибди, "Ренн" 3 очко билан икинчи ўринда. Гуруҳнинг бошқа аъзолари "Яблонец" ва "Динамо" Киев клублари ўртасида учрашув давом этмоқда.

Европа лигаси, 2-тур
К гуруҳи

Астана Қозоғистон – Ренн Франция 2:0 (0:0, 2:0)
Голлар: 1:0 – 64 Зайнутдинов, 2:0 – 90 Томасов.

Астана – Эрич, Постников, Шомко, Рукавина, Аничич, Ришард (Мужиков, 63), Томасов, Зайнутдинов (Логвиненко, 75), Маевский, Педро Энрике, Кабананга (Янга, 72).

Ренн – Диалло, Желен, Бааль (Бенсебайни, 28), Зеффан, Да Сильва, Гренье, Поа (Юханссон, 77), Буриго, Андре, Леа Силики (Дель Кастийо, 69), Ньянг.

Огоҳлантиришлар: Зайнутдинов (37), Ньянг (41), Бенсебайни (61), Мужиков (88), Эрич (89), Педро Энрике (89).