АҚШнинг Лас-Вегас шаҳрида орзиқиб кутилаётган UFC чемпиони Хабиб Нурмагомедов ҳамда икки вазнда собиқ жаҳон чемпиони Конор Макгрегор ўртасидаги жангга бағишланган сўнгги матбуот анжумани бўлиб ўтди. Унда Конор МакГрегор Хабибнинг менежери Али Абдель-Азиз ҳақида фикр билдирди.
“Унинг менежери террорист. Мен бу ҳақида жиддий тафсилотлар беришим мумкин. У 2001 йил 11 сентябрь куни Қоҳирадан Нью-Йоркга учиб келади ва 5 та паспорт билан қўлга тушади. Мен уни бу ерда нима қилаётганини билмайман. У бу ерда ҳотиржам юради. Бунга ишониш қийин.
Бир ойдан сўнг 3 ноябрь куни у билан ҳам “Мэдисон-сквер-гарден”да жанг қилишга тайёрман, бироқ аввал Хабибни мағлуб этаман”, дейди МакГрегор.
