Ўзбекистон футбол ассоциацияси Ўзбекистон миллий терма жамоасининг 2019 йил Бирлашган Араб Амирликларида бўлиб ўтадиган Осиё кубогидаги муносиб иштирокини таъминлаш мақсадида бир қатор чора-тадбирларни амалга оширмоқда.
Хусусан, октябрь ойидаги ФИФА кунларидан унумли фойдаланиш мақсадида Қатарга қарши ўртоқлик учрашуви ташкиллаштирилганидан футбол мухлисларининг хабарлари бор. Ушбу ўртоқлик ўйини 16 октябрь куни соат 19:00 да “Миллий” стадионида бошланади.
Ўртоқлик ўйинини бевосита стадиондан кузатишни мақсад қилган футбол ихлосмандлари чипталарни “Миллий” стадиони кассаларидан сотиб олишлари мумкин. Чипта нархлари CIP секторлар учун 60 000 сўм, қолган барча секторлар учун 20 000 сўм этиб белгиланган.
