Бугун U-14 ва U-16 ёш тоифасидаги жамоаларимиз мамлакат биринчилигининг дастлабки босқичи сўнгги тур учрашувларини ўтказишди.

Ўзингизга маълум, U-16  жамоамизга Элдор Мойлиев ва Илёс Пардаевлар мураббийлик қилишса,  U-14  жамоамизга  Элдор Мойлиев ва Нурали Қўнғировлар устозлик қилишмоқда.

Ушбу ёш тоифасидаги жамоаларимиз бугун Қаршида навбатдаги тур учрашувларини ўтказишди. Жамоаларимиз “Шўртан” клуби тарбияланувчиларига қарши майдонга тушишди. Учрашув футбол мактабимиз майдонида бўлиб ўтди.  

U-16 жамомиз  рақибини  5:1 ҳисобида доғда қолдирди. Учрашувдаги голларимизни Шахзод Хушвақтов (3та), Дилшод Бердиев ва Бекжон Раҳматовлар киритишди. Ушбу жамоамиз бугун деярли иккинчи таркиб билан майдонда ҳаракат қилди.  

U-14 жамоамиз эса ғузорлик тенқурлари устидан  6:1 ҳисобида ғалаба қозонишди. Бу учрашувдаги голларни Махмуд Жўрабоев, Жавоҳир Отамуродов (2та), Ислом Кенжабоев, Муҳаммад Мавлонов ҳамда Элёр Йулбарсовлар киритишди. Бу жамоамиз таркибида ҳам майдонга кўп тушмаган ёш футболчиларимиз ҳаракат қилишди.

Шундай қилиб, ўсмирларимиз биринчиликнинг дастлабки босқич учрашувларини ниҳоясига етказишди. Шуни алоҳида таъкидлаш жоизки, жамоаларимиз биринчи босқични мағлубиятсиз якунлашди. Энди жамоаларимиз, ғолиб сифатида кейинги босқич – биринчиликнинг финал босқичида иштирок этишади.

Навбатдаги босқич учрашувлари ноябр ойида бўлиб ўтади. Жамоамиз рақиблари қуръа орқали аниқланади.