«ПСЖ» ҳужумчиси Неймар Чемпионлар лигаси доирасида бўлиб ўтган «Наполи»га қарши ўйинда бош ҳакам Бьорн Куйперс билан тортишиб қолди. Футболчи бу вазиятга ойдинлик киритди.
«Ўйин пайтида ҳакам менга йўл қўйиб бўлмас гапни айтди. Бу эса менга нисбатан ҳурматсизликдир. Мен чидай олмадим ва ўйин сўнгида унга нимадир дедим. Боиси, у бундай гапиришга ҳақи йўқ эди. У ўзини бундай тутиши керак эмас. Гўёки у футболчилардан устундек. Умид қиламан, унга нисбатан чора кўрилади. Боиси, у менга ва футболчиларга нисбатан ҳурматсизлик қилди.
Бундан ташқари, у ўйин давомида хатога йўл қўйди. Лекин мен буни тушунаман, ҳакамлар ҳам инсон, улар хатога йўл қўйиши мумкин. Аммо у футболчиларга бундай муносабатда бўлиши мумкин эмас», – деди Неймар.