"Челси"нинг собиқ бош мураббийии Антонио Конте лондонликлар билан шартномаси бўйича суддан ташқари келишишдан бош тортди, дея хабар беради Sky Sports.

Аввалроқ, Конте шартномаси муддатидан аввал бекор қилингани учун товон пули талаб илингани хабар қилинган эди. Италиялик мутахассис англияликлардан 23 млн евро товон пули ундирмоқчи. Ундан 13 млн евроси мудатидан аввал истеъфога чиқарилгани учун ва 10 млн евроси мураббийлик обрўсизлангани учун.

Таъкидланишича, "Челси" вакиллари судсиз ушбу зиддиятни ҳал қилиш учун Конте билан учрашмоқчи бўлишган, аммо мутахассис бу таклифни рад қилди. Контенинг адвокатлари Спорт арбитраж судида ушбу иш бўйича ишламоқдалар.