“Манчестер Юнайтед” ярим ҳимоячилари Поль Погба ва Антони Марсьяль Франция терма жамоасига чақирилмади.
Икки футболчида ҳам енгил жароҳат бор. Уларнинг ўрниларига “Тоттенхэм”дан Мусса Сиссоко ва “Арсенал” ҳужумчиси Александр Ляказетт чақирилган эди.
Бироқ, кейинроқ Ляказеттда ҳам жароҳати борлиги маълум бўлган. Унга ўринбосар сифатида эса “Боруссия”дан Алассан Плеа чақирув олди.
Маълумот учун, 16 ноябрь Франция Миллатлар Лигасида Голландияга қарши, 20 ноябрь эса Уругвай билан ўртоқлик учрашувини ўтказади.
