Хабар бериб ўтганимиздек, футбол бўйича Ўзбекистон Олимпия терма жамоаси Бирлашган Араб Амирликларидаги «Dubai cup» халқаро турнирида иштирок этмоқда.
Бугун вакилларимиз мусобақадаги дастлабки ўйинни Япония терма жамоасига қарши ўтказишди ва 2:2 ҳисобидаги жанговар дурангни қайд этишди.
Терма жамоамиз сафида голларга 14-дақиқада Азиз Омонов, 29-дақиқада Остон Ўруновлар муаллифлик қилишди.
Иккинчи ўйинда мезбонлар БАА терма жамоаси Қувайтни 2:1 ҳисобида мағлуб этди.
Футболчиларимиз энди навбатдаги ўйинни 17 ноябрь куни айнан БАА терма жамоасига қарши ўтказишади. 20 ноябрь куни эса олимпиячиларимизни Қувайтга қарши баҳс кутиб турибди.
