Аввалроқ 2018 йил якунига қадар Ўзбекистонда яна бир замонавий спорт иншооти: камондан отиш базаси бунёд этилиши ҳақида хабар бергандик.
Айни пайтда Республика ихтисослаштирилган олимпия захиралари мактаб интернатида жаҳон стандартларига жавоб берадиган базанинг қурилиш ишлари олиб борилмоқда.
Эътиборингизга замонавий спорт иншоотининг қурилиши якунлангандан сўнг қандай ҳолатга келишини тасвирлайдиган суратларни тақдим этамиз.
Мазкур спорт иншооти қуриб битказилганидан сўнг, бу ерда халқаро спорт мусобақалари, ўқув-машғулот йиғинларини ҳам ўтказиш мумкин бўлади. Базада спортчи ва мураббийлар учун барча шароитлар яратилади. Камондан отиш федерацияси ҳам ана шу ерда жойлашади. Иншоот шу йил охиригача фойдаланишга топширилиши режалаштирилган.
