«Ливерпуль» куни кеча ярим ҳимоя Садио Мане билан шартномани узайтирганди. 26 ёшли футболчи 2023 йилга қадар мерсисайдликлар шарафини ҳимоя қилади.
Янги шартномага кўра, сенегаллик футболчининг ҳафталик маоши 90 минг фунтдан 150 минг фунт стерлингга етказилди.
Мане 2016 йилда «Саутгемптон»дан «Ливерпуль»га кўчиб ўтганди. У АПЛнинг ушбу мавсумида 11та ўйинда майдонга тушиб, 6та гол уришга муваффақ бўлган.