«Арсенал» бош мураббийи Унаи Эмери Англия чемпионатининг 15-тури доирасида бўлиб ўтган «Манчестер Юнайтед»га қарши ўйин (2:2) борасида ўз фикрларини билдириб ўтди.

«Биз ўйинни назорат қилдик. Иккинчи бўлим биринчисига нисбатан яхшироқ ўтди. Биз бугун ғалаба қозонишимиз мумкин эди, аммо рақиб ҳар иккала голимиздан кейин ҳисобни тезда тенглаштиришга муваффақ бўлди.

Биз ҳимоядаги ўйинимизни кучайтиришимиз керак. Шу билан бирга мувозанатни сақлаб қолишимиз керак ва ҳужумда фаолликни йўқотиб қўйишимиз керак эмас.

Балки, ҳисоб 2:2 бўлганидан кейин назоратни бироз қўлдан чиқаргандирмиз, аммо шундан сўнг ҳам биз кўпроқ голли вазиятларни яратдик. Бугунги ўйинимиз билан фахрланаман. Ғалаба қозонишни истагандим, аммо дуранг ҳам биз учун яхши натижа», – деди Эмери.