Бразилиялик футбол афсонаси Пеле уни Мессига тенглаштирмасликларини айтди.

“Мени нега Месси билан тенглаштирасиз? Ахир у фақат чап оёғида ишлайди, бош билан ўйнай олмайди. Яхшиси, уни Марадона билан таққосланг, ҳатто Марадона ҳам Мессидан кучлироқ”, деди Пеле.

78 ёшли Пеле фаолияти давомида “Сантос” ва “Нью-Йорк Космос” шарафини ҳимоя қилган. Терма жамоа сафида 92 та ўйинда 77 та гол урган. Жами 37 та совринни қўлга киритган, шулардан учтаси жаҳон чемпионлигидир.

Месси эса “Барселона”да ўйнамоқда, У терма жамоа сафида 128 та ўйинда 65 та гол урган. 35 та совринни қўлга киритди ҳозиргача, улардан тўрттаси Чемпионлар лигаси ғолиблигидир.