Флоренция прокуратураси “Фиорентина” клубининг собиқ сардори Давид Асторининг ўлими юзасидан қўзғатилган тергов ишини давом эттирмоқда.
Футболчи 8 йил мобайнида тўп сурган Флоренция ва Кальяри шаҳарларидаги икки шифокор футболчининг ўлимига бевосита сабабчи бўлганликда гумон қилинмоқдалар.
Шифокорлар футболчининг электрокардиограмма хулосалари қониқарсиз чиққан бўлсада, уни соғлом деб ёзиб беришган. Айниқса Асторининг 2017 йил ёзидаги сўнгги тиббий хулосаси ўта қониқарсиз чиққан.
Эслатиб ўтамиз, Астори 2018 йилнинг март ойида ҳаётдан кўз юмганди. У Удинедаги меҳмонхонада ўлик ҳолда топилганди. Ўлимга брадиаритмия сабаб бўлгани айтилганди.
