Ўзбекистон футбол ассоциацияси томонидан юртимизда болалар футболини ривожлантириш, бу борада Европанинг футболи ривожланган мамлакатлари футбол академиялари билан яқиндан ҳамкорлик ўрнатиш борасида бир қатор чора-тадбирларни амалга оширмоқда.
Жумладан, ЎФА 1-вице-президенти Умид Аҳмаджоновнинг ташаббуси билан жорий йилда Испаниянинг "Реал Мадрид" академияси вакиллари пойтахтимизда ва вилоятларда мастер-класслар ўтказишди. Шунингдек, бир қатор иқтидорли ёш футболчиларимиз Мадрид шаҳрига ташриф буюриб, у ерда бевосита "Қироллик клуби" академияси билан яқиндан танишиш имкониятига эга бўлишди.
Бу йўналишдаги ишларни давом эттириш мақсадида, бугун Ўзбекистон футбол ассоциацияси Халқаро бошқарма бошлиғи Диёр Исаметдинов ва бошқарма бошлиғи ўринбосари Олим Арифов Италиянинг Милан шаҳрида "Интер" клуби академияси раҳбарияти билан учрашув ўтказди. Учрашувда "Интер" академияси департаменти бошлиғи Барбара Бигги, "Интер" клубининг академиялар бўйича техник директори Альдо Монтинаро ва "Интер" академияси техник директори Марко Монтилар қатнашишди.
Учрашув давомида юртимизда "Интер" академияси филиалини очиш масалалари муҳокама қилинди. Шунингдек, "Интер" академияси мураббийлари иштирокида мамлакатимизда болалар футболи мутахассислари учун маҳорат дарслари ўтказиш, ўзаро тажриба алмашиш бўйича ҳам музокаралар ўтказилди. Бундан ташқари, "Интер" клуби афсонаси" лойиҳаси бўйича, клуб таркибида тўп сурган машҳур футболчиларни Ўзбекистонга олиб келиш ва улар билан учрашувлар ўтказиш ҳам муҳокама мавзусидан ўрин олди.
Маълумки, ҳозирда юртимизда "Про" дипломи бўйича ўқув курсларининг иккинчи модули бўлиб ўтмоқда. Мана шу ўқув курсларида таълим олаётган мутахассисларни Италияга олиб бориб, "Интер" клуби машғулотларини бевосита майдондан кузатиш ва тажриба ўрганиш жараёнини йўлга қўйиш борасида ҳам фикр алмашилди.
Шунингдек, Ўзбекистонда "Интер" клубининг расмий фан-клубини очиш масаласи ҳам кўриб чиқилди.
Бугун ЎФА мутасаддилари "Интер" академиясига ташриф буюриб, у ерда яратилган шарт-шароитлар билан яқиндан танишишлари ҳам режалаштирилган.
"Реал" Собослаи учун ўз ярим ҳимоя юлдузини таклиф қилмоқда [4817]
Клопп "Реал"ни бошқарадиган бўлса, қайси футболчини олишни исташини айтди [4805]
Пеп Гвардиола Абдуқодир Ҳусановнинг ҳолати ҳақида маълумот берди [4279]
Испанияда Месси "Барселона"га қачон қайтиши мумкинлиги маълум қилинди [2436]
Кэррикка АПЛнинг уч жамоаси қизиқиш билдирмоқда [2227]
Фабрицио Романо Витиньянинг «Реал»га трансфери ҳақида ўз фикрларини билдирди [2197]
Роналду эффекти: "Ан-Наср" директори истеъфога чиқди [2187]
«Реал»нинг ёш футболчиси Арбелоа кутганидан ҳам аъло натижа қайд этди [2160]
Антонио Рюдигер АПЛга қайтишга тайёр: Ҳимоячи маоши камайишига ҳам рози [2015]
«Реал»да инқироз белгилари: Мутахассислар «тезкор ечим»га ишонишмаяпти [1961]
