Голландиянинг “Аякс” клуби ҳимоячиси Маттейс де Лигт 2018-йилги “Golden Boy” совринига лойиқ деб топилди. Бу ҳақда Tuttosport нашри хабар бермоқда.

Де Лигт 19 ёшиданоқ Амстердам клуби сардори ҳисобланади ва Нидерландия терма жамоаси таркибида 13 учрашувда майдонга тушишга улгурди.

Маттейс соврин йўлида Жастин Клюйверт (“Рома”), Трент Александр-Арнолд (“Ливерпул”), Винициус Жуниор (“Реал”) ва Патрик Кутроне (“Милан”) каби ёш иқтидорларни доғда қолдирди.

Маълумот учун, ўтган йили ушбу мукофотни ПСЖ ҳужумчиси Килиан Мбаппе қўлга киритган.

Ушбу мукофот 21 ёшгача бўлган энг яхши ёш футболчиларга Туттоспорт нашри томонидан топшириб келинади.