“Кашима Антлерс” клуби бош мураббийи Го Оива “Реал”дан учралган мағлубият сабабларини тушунтириб берди.

“Агар биз ўйин бошидаги ҳужумларимизни омадли якунлаганимизда, ҳозир ҳисоб бошқача кўриниш олган бўларди. Ўз хатоларимиз эвазига “Реал”га имконият тортиқ этдик.

Танаффусда йигитлардан кўпроқ меҳнат қилиш кераклигини тушунтирган эдим, аммо иккита гол ўтказиб юборгандан сўнг уйқудан уйғондик.

Мағлубият жавобгарлигини ўз зиммамга оламан, аммо жамоа футболчилари яхшироқ ўйнаши ҳам мумкин эди. Кимдир ҳимояда ўйнашдан чарчагани сабаб ҳужумда ўзини кўрсата олмади. Жароҳатлар сабаб икки футболчини алмаштиришга мажбур бўлдим”, – дейди мураббий.