Ҳиндистон терма жамоаси бош мураббийи Стивен Константин Осиё кубоги мусобақаси старти олдидан ўз фикрлари билан бўлишди.
“Шахсан мен учун бу жуда ҳам фахрли дақиқалар ҳисобланади. Бу Ҳиндистон терма жамоасининг бундай катта мусобақа гуруҳ босқичига биринчи марта анъанавий чиқиши бўлиб, шу сабабдан бу ерга келиш жараёни қандайдир бошқача кечди.
Бизнинг қийин машғулотларимиз 2015 йил бошланган эди ва эндиликда шундай руҳда давом этади. Албатта, мен учун бу тугалмас жараён ва кундан-кунга яхши натижаларни қайд этишга ҳаракат қиламиз”, - дейди Константин.
Стивен Константин кейинги ҳафтага Ҳиндистоннинг якуний таркибини эълон қилади. Ҳиндистонликлар Осиё кубоги мусобақасида “А” гуруҳидан жой олган бўлиб, улар мусобақа мезбони БАА, Баҳрайн ва Таиланд термаларига қаршилик қилишади.
БААга биринчилардан бўлиб етиб келган ҳиндистонликлар гуруҳ босқичини 14 январь куни Баҳрайнга қарши ўйин билан якунлашади.
