Hindiston terma jamoasi bosh murabbiyi Stiven Konstantin Osiyo kubogi musobaqasi starti oldidan o‘z fikrlari bilan bo‘lishdi.
“Shaxsan men uchun bu juda ham faxrli daqiqalar hisoblanadi. Bu Hindiston terma jamoasining bunday katta musobaqa guruh bosqichiga birinchi marta an’anaviy chiqishi bo‘lib, shu sababdan bu yerga kelish jarayoni qandaydir boshqacha kechdi.
Bizning qiyin mashg‘ulotlarimiz 2015 yil boshlangan edi va endilikda shunday ruhda davom etadi. Albatta, men uchun bu tugalmas jarayon va kundan-kunga yaxshi natijalarni qayd etishga harakat qilamiz”, - deydi Konstantin.
Stiven Konstantin keyingi haftaga Hindistonning yakuniy tarkibini e’lon qiladi. Hindistonliklar Osiyo kubogi musobaqasida “A” guruhidan joy olgan bo‘lib, ular musobaqa mezboni BAA, Bahrayn va Tailand termalariga qarshilik qilishadi.
BAAga birinchilardan bo‘lib yetib kelgan hindistonliklar guruh bosqichini 14 yanvar kuni Bahraynga qarshi o‘yin bilan yakunlashadi.
