29-декабрь, шанба куни футбол бўйича Англия чемпионатининг 20-турида «Ливерпул» ўз майдонида «Арсенал» устидан 5:1 ҳисобида ғалаба қозонди.

Англия премер лигаси тарихидаги «Ливерпул» ва «Арсенал» ўртасидаги барча тўқнашувларда 155 та гол урилган. Ушбу натижа мусобақанинг рекорди ҳисобланади. Яъни бошқа ҳеч қайси клублар тўқнашувида бунчалик кўп гол киритилмаган.

Англия чемпионатида «Ливерпул» ва «Арсенал» ўртасидаги энг сермаҳсул ўйин 2008/09-йилги мавсумида «Энфилд» стадионида кечган (4:4). Ушбу ўйинда россиялик футболчи Андрей Аршавин покерга эришганди.