“Манчестер Юнайтед” декабрь ойининг энг яхши футболчиси сифатида Поль Погбани танлади. Бу ҳақда клубнинг расмий сайти хабар берди.
Погба манкунианликлар мухлислари орасида ўтказилган сўровномада 66 фоиз овоз тўплаб биринчи ўринни эгалади. Иккинчи ўрин ҳужумчи Маркус Рэшфорд (28 фоиз), учинчи ўринда эса Жесси Лингард (6 фоиз).
Декабрь ойида 25 ёшли футболчи 6 та ўйинда майдонга тушиб 4 та гол ва 3 та голга ассисентлик қилди.
Эслатиб ўтамиз, Жозе Моуриньо истеъфога чиқарилгандан сўнг “қизил иблислар” 3 та ўйиндан барчасини ғалаба қозонди.
