Сир эмаски, кириб келган 2019 йил ўзбек спорти учун масъулиятли йил ҳисобланади. Ўзбекистонлик спортчилар йил давомида Токио 2020 Олимпиадасига лицензия берувчи мусобақаларда, рейтинг турнирларида иштирок этадилар.
Миллий олимпия қўмитаси атлетларимизнинг халқаро мусобақаларга муносиб тайёргарлик кўриши йўлида спорт федерациялари ва ассоциациялари билан яқиндан ҳамкорлик қилмоқда.
Айни пайтда Олимпия йўналишидаги кўплаб терма жамоаларимиз ўқув-машғулот йиғинларига киришганлар:
Ўзбекистон гимнастика федерацияси – 3-26 январь, Тошкент (трамполин)
Ўзбекистон оғир атлетика федерацияси – 10 январгача, Тошкент вилоятидаги оғир атлетика базасида
Ўзбекистон “ROWING & CANOE” федерацияси – Январь ойи охиригача, Тошкент денгизида
Ўзбекистон ўқ отиш федерацияси – 2-30 январь, Мудофаа вазирлигига қарашли спорт клубида
Ўзбекистон бокс федерацияси – 6-20 январь, Янгиобод спорт базасида
Ўзбекистон дзюдо федерацияси – 5-12 январь, «Ёшлик» спорт мажмуасида
Ўзбекистон каратэ WKF федерацияси – 8-22 январь, Миллий Паралимпия ассоциацияси
Ўзбекистон таэквондо WTF ассоциацияси – 6-24 январь, Таэквондо WTF ассоциацияси
Ўзбекистон камондан отиш федерацияси – 27 январгача, Туркия, Самсун шаҳри.
