Янги мавсумда ҳам юксак мақсадларни ўз олдига қўйган Наманганнинг “Навбаҳор” клуби мавсумлар оралиғидаги трансфер “ойнаси”дан самарали тарзда фойдаланишга ҳаракат қилмоқда. Бугун “лочинлар” яна бир янги легионер футболчи билан шартнома имзолашди. Бу  украиналик ҳужумчи Александр Касьян.

Мазкур форвард 1989 йилнинг 27 январида Украинанинг Донецк вилоятида таваллуд топган. Касьян бунгача Украинанинг “Ильичевец”  (Мариупол), “Шахтёр” (Донецк), “Заря” (Луганск), “Карпати” (Львов), Россиянинг “Томь” (Томск), “Химик” (Дзержинск), “Факел” (Воренеж), “Балтика” (Калининград) ва Курскнинг “Авангард” жамоаларида тўп сурган. Шунингдек, Украина U-17 ҳамда Украина U-21 терма жамоаларида ҳам ўйнаган.  

Биз – Касьянга севимли жамоамиз таркибида омад ёр бўлиб, ўз голлари билан “Навбаҳор” мухлисларини хурсанд этиши, шунингдек, “лочинлар”нинг зафарларига муносиб ҳисса қўшишини тилаб қоламиз.

“Навбаҳор” ПФК матбуот хизмати.