Шу кунларда Тошкент шаҳридаги Яккакураш спорт турларига ихтисослаштирилган болалар-ўсмирлар спорт мактабида бокс бўйича 2003-2004 йилларда таваллуд топган спортчилар ўртасида халқаро мусобақа ўтказилмоқда.
Ўзбекистон бокс фахрийларига бағишланган халқаро хотира турнирида Тожикистон, Қирғизистон, Қозоғистон ва Ўзбекистондан ёш чарм қўлқоп усталари иштирок этмоқдалар. Баҳслар 15 вазн тоифасида ташкил этилмоқда. Совринли ўринлар учун 181 нафар боксчи кураш олиб бормоқда.
Беллашувларда 20 нафар халқаро тоифадаги ҳакам фаолият кўрсатмоқда.
Мусобақа 9 январга қадар давом этади.
