Англия чемпионатининг 22-тури доирасида «Манчестер Сити» ўз майдонида «Вулверхэмптон»ни қабул қилиб, йирик ҳисобда ғалаба қозонди.
Учрашувнинг 10-дақиқасида Габриэл Жезуснинг голи эвазига мезбонлар ҳисобни очишди. Орадан кўп ўтмасдан "Вулверхэмптон" ҳимоячиси Боли майдондан четлатилди.
Натижада "шаҳарликлар"нинг иши янада енгиллашди. Биринчи бўлим тугашига 6 дақиқа қолганида Жезус пенальтидан унумли фойдаланиб, ҳисобдаги фарқни оширди. Иккинчи бўлимда эса меҳмон жамоа футболчиси ўз дарвозасини ишғол қилиб қўйди.
Ушбу ғалаба туфайли "Манчестер Сити" ўз очколарини 53тага етказиб олди. Гвардоила жамоаси пешқадам "Ливерпуль"дан 4 очко ортда қолаётган бўлса, 3-ўриндаги "Тоттенхэм"дан 5 очкога ўтиб кетди.
АПЛ, 22-тур
Манчестер Сити – Вулверхэмптон 3:0 (2:0, 1:0)
Голлар: 1:0 – 10 Габриэл Жезус, 2:0 – 39, пенальти Габриэл Жезус, 3:0 – 78, автогол Коуди.
Манчестер Сити – Эдерсон, Уокер, Стоунз, Лапорт, Данило, Бернарду Силва, Фернандиньо, Сильва (де Брюйне, 62), Стерлинг, Габриэл Жезус (Агуэро, 76), Сане (Гюндоган, 74).
Вулверхэмптон – Руй Патрисиу, Беннетт, Коуди, Боли, Доэрти, Моутинью (Гиббс-Уайт, 72), Рубен Невеш, Дендонкер, Кастро, Хименес (Траоре, 46), Диогу Жота (Саисс, 59).
Огоҳлантириш: Фернандиньо (14).
Четлатиш: Боли (19).