Ўзбекистон ОТЖга бош мураббий этиб тайинланган Любинко Друлович илк матбуот анжуманида қатнашмоқда. Дастлаб, Любинко Друлович барча билан саломлашиб бўлгандан сўнг, келгуси чемпионатлар ҳақида фикрларини билдириб ўтди.
“Саралашга икки ойча муддат бор. Менинг фикримча, бу саралашга тайёргарлик кўриш учун етарли муддат.
Биз таркибни аниқлаб оламиз, кейин улар билан тактик машғулотлар ўтказамиз. Ҳозирда Олимпия терма жамоаси Туркияда машғулотлар олиб бормоқда.
Футболчиларнинг жисмоний ҳолати яхши. Февраль ойида икки ҳафталик йиғин ўтказамиз. Бир қатор назорат учрашувлари ҳам режалаштирилган.
Бизда Осиё чемпионати саралашидаги рақибларимиз ҳақида етарлича маълумот бор. Уларнинг сўнгги ўйинларини яна бир бор таҳлил қилиб чиқамиз.
Кейин шундан келиб чиқиб уларга қарши ўйинларга тайёргарлик кўрамиз. Ўйлашимча, бу бўйича бизда муаммо бўлмайди”, - дейди Друлович.
