O‘zbekiston OTJga bosh murabbiy etib tayinlangan Lyubinko Drulovich ilk matbuot anjumanida qatnashmoqda. Dastlab, Lyubinko Drulovich barcha bilan salomlashib bo‘lgandan so‘ng, kelgusi chempionatlar haqida fikrlarini bildirib o‘tdi.

 “Saralashga ikki oycha muddat bor. Mening fikrimcha, bu saralashga tayyorgarlik ko‘rish uchun yetarli muddat.

Biz tarkibni aniqlab olamiz, keyin ular bilan taktik mashg‘ulotlar o‘tkazamiz. Hozirda Olimpiya terma jamoasi Turkiyada mashg‘ulotlar olib bormoqda.

Futbolchilarning jismoniy holati yaxshi. Fevral oyida ikki haftalik yig‘in o‘tkazamiz. Bir qator nazorat uchrashuvlari ham rejalashtirilgan.

Bizda Osiyo chempionati saralashidagi raqiblarimiz haqida yetarlicha ma’lumot bor. Ularning so‘nggi o‘yinlarini yana bir bor tahlil qilib chiqamiz.

Keyin shundan kelib chiqib ularga qarshi o‘yinlarga tayyorgarlik ko‘ramiz. O‘ylashimcha, bu bo‘yicha bizda muammo bo‘lmaydi”, - deydi Drulovich.