Мюнхэннинг "Бавария" клуби ҳужумчи Сандро Вагнер Хитойнинг "Тянжин Тэда" клубига ўтди. Бу ҳақда ҳар икки клуб расмий сайти хабар берди.
31 ёшли футболчи ушбу мавсум мюнхенликларнинг 11та ўйинида майдонга тушди. У клуб сафига 2017 йилда "Ҳоффенҳайм"дан келиб қўшилган ва 4 йиллик шартнома имзолаган эди.
Тасдиқланмаган маълумотларга кўра, хитойликлар Вагнер учун 5 млн евро тўлашмоқда. Унга янги клубида 2 йил мобайнида 15 млн евро маош тўланади.