Кириш Регистрация

ОФК: Финалларни бошқариш Равшан Эрматов учун янгилик эмас

Баҳо:
+ | -

Осиё футбол конфедерациясининг расмий сайтида Япония ва Қатар терма жамоалари ўртасидаги Осиё Кубоги финалини бошқариб борадиган ҳамюртимиз Равшан Эрматов ҳақида мақола эълон қилинди.

Мақолада шундай дейилади: "Катта ўйинларни, финалларни бошқариши янгилик бўлмай қолган ўзбекистонлик 41 ёшли ҳакам Равшан Эрматов ўз фаолияти давомида иккинчи марта Осиё Кубоги финалида ишлайди. Бунгача у 2011 йил Япония ва Австралия терма жамоалари ўртасидаги финални ҳам бошқарганди. Эрматовга қанотларда ҳамюртлари Абдуҳамидулло Расулов ва Жаҳонгир Саидов ёрдам беришади.

2010 йилда Равшан Эрматов 32 ёшида ЖАРда бўлиб ўтган жаҳон чемпионатида ишлаган ва бу борада энг ёш ҳакам сифатида тарихдан жой олганди. 2018 йил Россияда бўлиб ўтган жаҳон чемпионатида иш олиб боргандан сўнг унинг мундиалларда бошқарган ўйинлари сони 11тага етди. Бу мутлақ рекорд натижа бўлиб, ҳозиргача бирор ҳакамга Жаҳон чемпионатларида шунча ўйин бошқариш насиб қилмаган.

Осиёда 5 марта йилнинг энг яхши ҳаками сифатида эътироф этилган Равшан Эрматов фаолияти давомида 5 марта Осиё чемпионлар лигаси финалини бошқарган".

Манба: ufa.uz
Киритилди: 15:25, 31.01.2019.
Ўқилди: 8350 марта.
Фикрлар: 7 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.