Саудия Арабистони чемпионатининг 18-турида “Уҳуд” ўз майдонида “Ал-Иттифоқ” жамоасини қабул қилди.
Мазкур баҳсда Игнатий Нестеров “Уҳуд” учун ўзининг дебют учрашувини ўтказди. Биринчи бўлимда Муҳаммад Фузайир ва Карл Межани ўз ҳисобларига гол ёздириб қўйишди ва натижада "Уҳуд" клуби 2:0 ҳисобидаги устунлик билан танаффусга йўл олди.
Иккинчи бўлимнинг 51-дақиқасида Аҳмад Акеши Нестеров дарвозасига йўл топа олди - 2:1. Учрашувнинг 35-дақиқасида "Уҳуд" футболчиси Муҳаммад Яҳё қизил карточка сабаб майдонни эрта тарк этди. Ушбу натижа ўйин тугагунига қадар ўзгармади.
Эслатиб ўтамиз, мусобақада “Ал-Иттифоқ” 7-ўринда, “Уҳуд” клуби эса сўнгги 16-поғонада бормоқда.













