Каталониянинг “Барселона” клуби президенти Хосеп Мария Бартомеу Мессининг янги шартнома имзолаши ҳақида фикр билдириб ўтди. Бу ҳақда Cadena COPE хабар бермоқда.

“Мессининг жамоа билан яна 2 йиллик шартномаси бор. Ишончим комил у яна узоқ вақт “Барселона” сафида тўп суради.

У ажойиб футболчи. Агар у янги шартнома имзолашни хоҳласа биз албатта имзолаймиз. Месси дунёдаги энг яхши футболчи”, -дейди Бартамеу.

Эслатиб ўтамиз, жорий мавсум Месси 27 та ўйинда иштирок этиб, 29 та гол урган ва 17 та голга ассистентлик қилган.