“Утрехт” клуби бош мураббийи Дик Адвокат мавсум якунида“Фейеноорд”ни бошқаришни инкор этди. 71 ёшли мутахассиснинг Роттердам клубида Жованни ван Бронкхорст ўрнини босиши кутилаётган эди.

“Клуб мутассаддилари билан учрашдик ва музокараларни давом эттирмаслигимни маълум қилдим. “Фейеноорд”дек буюк клуб менга таклиф йўллагани учун ташаккур билдираман.

Лекин менинг атрофимда танқидий сўзлар кўпайиб кетди. Бу ишни рад қилишимга ҳам айнан шу сабаб бўлди. “Фейеноорд”га ҳам менга ҳам танқид керакмас”, – дейди Адвокат.

Маълумот ўрнида, “Фейеноорд” Голландия чемпионатида20-турдан сўнг 3-ўринни банд этиб турибди.