Туриннинг “Ювентус” клуби бош мураббийи Массимилиано Аллегри аргентиналик ҳужумчи Пауло Дибаланинг интизомсизлигидан норози. Бу ҳақда The Sun нашри хабар бермоқда.
Манбанинг хабарига кўра, италия чемпионатининг 22-туридан ўрин олган “Парма”га (3:3) қарши ўйинда футболчи захира ўриндиғини эрта тарк этиб, кийиниш хонасига кириб кетгани мураббийни дарғазаб қилган.
Эртаси куни ўтказилган машғулотда Аллегри футболчилар олдида Дибалага танбеҳ бериб, уни уялтирган. Футболчи барчадан узр сўраган бўлса-да, унинг мураббий билан муносабатлари ёмонлашган.
Эслатиб ўтамиз, Дибала жорий мавсум 19 та ўйинда майдонга тушиб, 2 та гол урган ва 4 та голга ассистентлик қилган.
