«Барселона» Испания чемпионатининг 23-турида «Атлетик Билбао» билан дуранг ўйнади (0:0).

Жорий мавсумда «басклар» Каталония клубидан иккала ўйинда ҳам очко тортиб олди. Биринчи даврада «Камп Ноу» стадионида бўлиб ўтган учрашув 1:1 ҳисобида тугаганди.

«Барселона» клуби 1993/94-йилги мавсумдан буён илк марта битта мавсумда «Атлетик» қарши кечган иккала учрашувда ҳам юта олмади.

25 йил олдин «кўк-анор ранглилар» мезбонлик қилган баҳсда меҳмонлар 3:2 ҳисобида ғалаба қозонганди, Билбаодаги ўйин эса дуранг билан якунланган (0:0).