Футбол стадионлари бу-футбол оламнинг ажралмас бир бўлаги. Ер юзининг исталган шаҳрига борсангиз, албатта, стадионларга дуч келасиз. Шунга қарамай, сайёрамизда шундай стадионлар мавжуд-ки, уларнинг кўриниши кўнгилни ҳижил қилади…

Силвер Довн

1994-йилда ўтказилган Мундиал учун қурилган стадион ўз даврида жуда машҳур эди.  Понтияк шаҳрида жойлашган арена ўз бағрига нақд 80 минг мухлисни бемалол сиғдира олади.

Энг ачинарлиси шундаки, бу стадионнинг ташқи кўриниши ва дизайни замонавий стадионлардан сира қолишмайди.  Афсуски, бир неча йиллардан бери шундай кўркам стадион ачинарли кўринишга келиб қолди.

Маракано

Кўпчилик ушбу стадионнинг рейтингимиздан жой олганидан ҳайратда қолган бўлса, ажаб эмас. Бой тарихга эга стадион ЖЧ дан сўнг давлат томонидан молиялаштирилмай қўйилди.

Бразилия иқтисоди футболи сингари етук бўлмагани сабабли, бундай стадионларни юқори формада ушлаб туриш учун кетадиган суммани тўлаб бера олмади. Афсуски, 3 йил ичида стадионнинг ҳолати анча ёмонлашди. Шу кетишда бўлса, тез орада бу стадионни таний олмай қоламиз, шекилли!

Дон Вэлли

Англиянинг кичик шаҳарларидан бирида жойлашган стадион 1945-йилда қуриб битирилган. У ўз вақтида бир нечта клубларга уй стадиони сифатида муноисиб ҳизмат кўрсатган, аммо вақт ўтиши билан бу шаҳарда футбол жамоаларининг барчаси банкрот ҳолатига келиб қолди.

Оқибатда, стадион раҳбарияти уни сотишга киришди, аммо бир неча йилдан бери бу стадионни ҳеч ким сотиб олишни хоҳламади ва охир -оқибат вайронага айланди…

Малёрка

Малёрка клубининг собиқ уй стадиони ўз бағрига 20 000 минг мухлисни сиғдира оладиган кўркам арена эди. «Малёрка» клубининг қарздорлик билан муаммолари пайдо бўлгач, клуб стадионни топширишга мажбур бўлади. Тўғри, кейинчалик клуб қарзлардан қутилди ва янги стадионда ўз ўйинларини ўтказа бошлади. Оқибатда, Испаниядаги энг қадимий стадионлардан бири эгасиз қолиб кетди ва шунчаки қўрқинчили кўринишга келиб қолди.

Хозирда ҳеч қайси инвестор бу кичик шаҳачадаги стадионни сотиб олишни истамаяпти. Афсус, яна бир тарихий арена йўқликка маҳкум!

Залужанка

Чехиянинг қадимий Бруно шаҳрида жойлашган арена 1953-йилда барпо этилган. У ўз бағрига нақд 60 минг мухлисни сиғдира олар эди. Вақтида бу стадионда терма жамоа ўз ўйинларини ўтказган.  Ушбу стадионни сотиб олган инвесторлар уни қайта реконструкция қилиш жуда қимматга тушиши сабабли қурилишни тўхтатишди.

Оқибатда, классик стадионлар орасида энг машҳури бўлган Залужанка, шунчаки, ҳаробага айланди. Унинг юқори қисмидаги трибуналари олиб ташланди. Эндиликда бу стадиондан қандай фойдаланиш мумкинлиги ҳақида бош қотиришмоқда.

Яҳёхўжа Улуғхўжаев