Сирдарё вилоятининг Гулистон шаҳрида спорт курашлари бўйича ёшлар ўртасида Ўзбекистон кубоги баҳслари давом этмоқда.
Жамоавий йўналишда кечаётган баҳсларнинг бугунги кун дастурида юнон-рум кураши бўйича ғолиб ва совриндорлар аниқлаб олинади.
Саралаш баҳсларидаги натижага кўра, 3-ўрин учун Самарқанд ва Фарғона вилояти вакиллари гиламга чиқадиган бўлди. Мамлакат кубоги учун эса Тошкент вилояти ва андижонлик ёш курашчилар куч синашишади.
Баҳсларда Республикамизнинг турли ҳудудларидан 13 та жамоа иштирок этмоқда. Эртага эркин кураш бўйича беллашувларга старт берилади.
