Европа чемпионлар лигасининг 1/8 финал босқич жавоб учрашувида ақлбовар қилмас фантастика содир бўлди. Дастлабки ўйинда 0:2 ҳисобида мағлуб бўлган “Манчестер Юнайтед” жавоб баҳсининг 92-дақиқасида пенальтидан гол уриб, ПСЖни Парижга кўмиб қўйди.

Ҳакам Дамир Скомина 92-дақиқадаги баҳсли вазиятдан кейин VAR ёрдамига ошиқди ва совуққонлик билан ПСЖ дарвозасига пенальти белгилади.

Дамир Скомина мезбонлар ҳимоячи Преснель Кимпембенинг тирсаги билан қайтарган тўпи жарима майдончасида содир бўлганлигин қайд этди, VAR ёрдамида ўйинни 180 градусга ўзгаришига сабаб бўладиган қарорни қабул қилди.

“Қизил иблислар”нинг ҳал қилувчи голига Маркус Рэшфорд муаллифлик қилди. Шу тариқа, “Манчестер Юнайтед” кучсиз таркиб билан Парижда ПСЖни қон йиғлатиб чорак финалга йўлланма олди.

ЕЧЛ, 1/8 финал. Жавоб учрашуви.

ПСЖ – “Манчестер Юнайтед”1:3.

Голлар: Бернат (12) – Лукаку (2, 30), Рэшфорд (90, пенальти).

ПСЖ – Буффон, Кимпембе, Тиаго Силва, Маркиньос, Дани Алвес (Кавани, 90), Ди Мария, Верратти, Керер (Паредес, 70), Дракслер (Менье, 70), Бернат, Мбаппе.

Манчестер Юнайтед – Де Хеа, Байи (Диогу Далот, 36), Линделеф, Шоу, Смоллинг, Мактомини, Фред, Перейра (Чонг, 80), Янг (Гринвуд, 87), Лукаку, Рэшфорд.

Огоҳлантиришлар:Ди Мария (34), Паредес (75), Шоу (90).