Футбол аҳли ларзага келди. “Реал” “Бернабеу”да кетма-кет 4 марта мағлубиятга учради.
Бунақаси бўлмаган: 2004 йилда “қаймоқранглилар” қаторасига 3 марта ўз уйида мағлубиятга учрагани ҳақида маълумот бор. Аммо бунақасини яқин ўртада эслай олмаймиз.
Боз устига “Реал”дан антирекордлар қайд этилишига одам анча ўрганиб қолди. Асосийси “Реал” ўз уйида таркиби асосан 1996-1997 йилда туғилган футболчилардан ташкил топган “Аякс” жамоасига мағлуб бўлди.
Ишониш қийин кетма-кет 3 йилдан буён Европа “тожи”ни ҳеч кимга бермай келаётган клуб бу йил ўз иштирокини 1/8 финалда тугатди.
Ўйинга утсак, “Аякс” ҳақиқатдан ҳам чиройли футбол намойиш этиб берди. Френки Де Ёнг ҳаракатларини мухлислар алоҳида эътибор билан кузатишган. Чунки бу футболчи навбатдаги “Реал”га қарши ўйинни “Барселона” либосида ўтказади.
Буни футболчи тушунган ҳолда ўзини қўрсатди, энг фаоллардан бири бўлди, майдон марказида Модрич билан тенгма-тенг ўйин кўрсатди. Баъзи-бир вазиятларда хорватияликдан яхшироқ ҳам бўлди. Бир сўз билан айтганда келажакда “Реал”га яхшигина бош оғриғи бўлишини кўрсатиб кўйди.
Ҳаким Зиёшни ҳам аълохида таъкидлаб ўтиш жоиз, жазоирлик футболчи биринчи ўйинда бўлганидек мазмунли ўйини билан эсда қолди. Де Лигт эса “Барселона”дан келадиган “совчилар”нинг ниятини янада жиддийлаштирган бўлса ажаб эмас. Тадич, Шўне...
Агар ахши ўйнаганларни санасак, “Аякс”нинг ҳар бир футболчиси номини айтиб ўтсак уят бўлмайди.
Мағлубиятга сабаб? Солари “Реал” даражасида эмас деб яна айтиш мумкин. “Реал”га яна қанча мағлубият ёки антирекорд керак? Буни президент Перес қачон тушуниб етади? Ҳозирда Еаропанинг хоҳлаган топ мураббийига Мадриддан қўнғироқ бўлса “бир чуқур нафас олиб” кейин гўшакни кўтариши аниқ. Мадридда молиявий муаммо йўқ, лекин яхши мураббий таклиф қилиш учун нима тўсқинлик қиляпти?
“Аякс” “Бернабеу2да “яйради”, қайсидир маънода футболдаги акаларига дарс ўтиб берди. Ёш футболчиларда босим йўқ эди ва улар мазза қилиб футбол ўйнашди. ОАВ мағлубиятга Винициус ва Васкесни жароҳати сабаб бўлганини айтмоқда. Тўғри-ку, лекин улар ўрнига кимлар майдонга тушди: Бейл ва Асенсио. Кулгули эмасми?
“Реал”дек жамоани бундай оқлаш – АБСУРД. Винисиус ҳозирги “Реал”нинг энг хавфли ўйинчиларидан бири, аммо “галактикос” қайдайдир 18 ёшли болакайга боғланиб қолмаслиги керак эмасми.
Нима ҳам дердик, футбол шуниси билан ҳам қиззиқ, катта шаҳарларда ҳам кичик кўнгилсизликлар бўлади, аммо буни кичик кўнгилсизлик эмаслигини ҳамма тушуниб турибди.
Роналду кетди, нега унинг даражасидаги футболчи жамоага таклиф этилмади? Сабаби Криш даражасидаги футболчини топиш ҳозирча осон эмас, ҳеч бўлмаганда унга ўхшашроғини топса бўлар эди-ку...
Зидан ҳам аллақачон кетди. Лопетеги можароси: Бу мутахассис футбол аҳлига унча ёқмади, нега дейсизми? Терма жамоа мураббийи Жаҳон чемпионати бошланишига оз вақт қолганда ўзи туғулиб ўсган ватани бош жамоасини тарк этиб, клубда иш бошлади. Бу Россия майдонларида Испаниядек ғолибликка даъвогар бир терма жамоани позициясига “яхшигина” тасир қилди.
Ўйлаб кўринг Миржалол Қосимов термани мундиалга олиб чиқиб, ЖЧ бошланишига 2-3 кун қолганда “Бунёдкор”га кетиб қолса... Тасаввур қилдингиз-а? Қанча “раҳмат” эшитарди.
Айтиш мумкин ахир бу “Реал” ҳоп келди ҳам нимани қойиллатди? Ҳаммаси шундан бошланди Зидандан кейин, даражаси баландроқ мураббий таклиф қилиниш керак эди.
“Реал”га мухлислари тугул унга хейтерларҳам ачина бошлади. Нима қилсин ахир кўз ўнгларида дунёнинг энг машҳур клубларидан бири “чўкиб” боряпти. Германияда бир гап бор агар шифокор беморни даволаса, у қандай даволаганини фарқи йўқ.
Қайдай қилиб бўлсада клубни кўтқариш керак. Ҳозиргина ўқидим Соларига яна имконият берилган эмиш. Билмадим Перес нима қилмоқчи. Шу кетиш бўлса Перес Солари билан бирга кетади.
