"Реал" мавсум давомида ўнг қанот ҳимоясида муаммоларга дуч келди. Бу позицияда ҳатто Федерико Вальверде ҳам ўйнашига тўғри келган.
Сўнгги ҳафта ва ойларда матбуот Трент Александер-Арнольднинг "Реал"га ўтиши мумкинлиги ҳақида кўп ёзди. Ҳатто инглизнинг Мадрид суперклуби билан эркин агент мақомидаги трансфер бўйича деярли келишиб олгани ҳақида ҳам маълумотлар бор.
TodoFichajes порталининг Англиядаги манбаларига таяниб хабар беришича, сўнгги вақтларда вазият ўзгарган. "Ливерпуль" тарбияланувчисини йўқотишни истамаяпти ва унга умумий қиймати 93 миллион евро бўлган 5 йиллик шартнома таклиф қилди. Таклиф қабул қилинганда Трент клубнинг энг кўп маош олувчи футболчиларидан бирига айланади.
