"Real" mavsum davomida o‘ng qanot himoyasida muammolarga duch keldi. Bu pozisiyada hatto Federiko Valverde ham o‘ynashiga to‘g‘ri kelgan.

So‘nggi hafta va oylarda matbuot Trent Aleksander-Arnoldning "Real"ga o‘tishi mumkinligi haqida ko‘p yozdi. Hatto inglizning Madrid superklubi bilan erkin agent maqomidagi transfer bo‘yicha deyarli kelishib olgani haqida ham ma’lumotlar bor.

TodoFichajes portalining Angliyadagi manbalariga tayanib xabar berishicha, so‘nggi vaqtlarda vaziyat o‘zgargan. "Liverpul" tarbiyalanuvchisini yo‘qotishni istamayapti va unga umumiy qiymati 93 million yevro bo‘lgan 5 yillik shartnoma taklif qildi. Taklif qabul qilinganda Trent klubning eng ko‘p maosh oluvchi futbolchilaridan biriga aylanadi.