"Реал" яримҳимоячиси Иско ЕЧЛда "Аякс"га қарши ўйинга жамоа билан автобусда кетишдан бош тортгани учун жамоадошларидан кечирим сўради.

Аввалроқ, 26 ёшли футболчи клуб базасини жамоадошларидан алоҳида, ўз машинасида тарк этгани учун ўйин қайдномасига киритилмагани хабр қилинган эди.

Бу жамоанинг, жумладан, сардор Серхио Рамоснинг норозилигига сабаб бўлди. Иско ўз хатосини тан олди ва жамоадошларидан узр сўради.

У ўз қилмишига жамоа бош мураббийи Сантьяго Солари билан ёмон муносабатини сабаб қилиб келтирди.

Аргентиналик мутахассис яқин вақтлар ичида истеъфога чиқиши кутилмоқда. Унинг ўрнига Жозе Моуриньо тайинланиши ҳақида тахминлар бор.