"Барселона" клуби ва Уругвай терма жамоаси ҳужумчиси Луис Суарес Ла лига доирасида "Бетис"га қарши ўйинда жароҳат олди.
Футболчи 90-дақиқада оёғини қайириб олди ва майдонни тарк этар чоғида жароҳатланган оёғини боса олмади.
Кейинроқ "Барселона" футболчига тўпиқ мушакларининг чўзилиши ташхиси қўйилганини хабар қилди. Унинг тикланиши учун 15 кун керак бўлади. Аниқ тафсилотлар бугун, 18 март кунги текширишлардан сўнг маълум қилинади.
Шу тариқа, Суарес 21-25 март кунлари Хитойнинг Гуанси шаҳрида бўлиб ўтадиган "China Cup" мусобақасида иштирок тмаслиги мумкин. Ушбу халқаро турнирда Уругвай, Хитой, Тайланд терма жамоалари иштирок этади. Турнир ярим финал ва финалдан иборат бўлади.
"China Cup" халқаро мусобақаси
21 март Хитой - Тайланд
22 март Ўзбекистон - Уругвай
25 март 3-ўрин учун баҳс
25 март Финал
