«Наврўз» байрамига бағишлаб юртимиз бўйлаб турли тадбирлар уюштирилмоқда. Мамлакатимизда оммавий спортни янада ривожлантириш ва аҳоли ўртасида соғлом турмуш тарзини тарғиб қилиш мақсадида юртбошимиз ташаббуси билан «Наврўз» халқаро ярим марафони ташкил қилинди.
Халқаро мусобақа мақомида илк бор ўтказилаётган мазкур йирик спорт тадбирига қизиқиш катта. Унда нафақат юртимиз, балки кўплаб бошқа мамлакатлардан жами 2500 га яқин спортчилар ташриф буюрган.
Беллашув 2 хил масофада ташкил қилинади. Даставвал, 9:00 да 21 километр масофага югурувчилар стартга чиқишса, 10 дақиқа ўтгач 5 километр масофага югуришни ихтиёр этганлар баҳсларни бошлашади.
