Жорий йилнинг 1-10 апрель кунлари Шри-Ланка давлатининг Калутара шаҳрида шахмат бўйича 8 ёшдан 18 ёшгача бўлган ўғил-қизлар ўртасида Осиё чемпионати бўлиб ўтади. Унда Ўзбекистонлик ёшлар ҳам иштирок этишади.
Мазкур нуфузли мусобақада тегишли ёш тоифалари бўйича Ўзбекистон чемпионатларида юқори натижа кўрсатган шахматчиларимиз Умида Омонова, Руқия Олимова, Афруза Ҳамдамова, Ҳумоюн Бегмуратов ва Абдималик Абдисалимов юртимиз шарафини ҳимоя қилишади.
Маълумот учун, шахматнинг классик, рапид ва тезкор йўналишлари бўйича Осиё чемпионати ғолиб ва совриндорлари швейцарча тизимда 9 тур натижаларига кўра аниқланади.
