Жисмоний тарбия ва спорт вазирлиги, Ўзбекистон бадминтон федерацияси ва Хоразм вилояти ҳокимлиги ҳамкорлигида жорий йилнинг 28 март – 2 апрель кунлари Урганч шаҳрида бадминтон спорт тури бўйичаёшлар ўртасида Ўзбекистон чемпионати бўлиб ўтади.
Хоразм вилоятида илк маротаба ўтказилаётган ушбу чемпионатда Республикамизнинг барча ҳудудларидан келган 2003-2008 йилларда туғилган 150 нафар ўғил-қиз иштирок этади.
Шунингдек, Хоразм вилояти Туризмни ривожлантириш департаменти ташаббуси билан чемпионат давомида спортчи ёшлар бўш вақтини мазмунли ўтказиш, меҳмонларни Хоразмнинг ўзига хос тарихи билан яқиндан таништириш, қолаверса, ички туризмни ривожлантириш мақcадида вилоятдаги туристик объектлар бўйлаб экскурсиялар ташкил этиш ҳам режалаштирилган.
