1 апрелдан бошлаб футзал бўйича XXII Ўзбекистон чемпионати старт олади.

Бугун янги мавсумга қуръа ташлаш маросими бўлиб ўтди. Айтиш керак, бу мавсум олий лигада 12та жамоа иштирок этади.

Булар – “Бунёдкор”, “Нефтчи”, “Сўғдиёна”, “Насаф”, “Навбаҳор”, “Максам-Чирчиқ”, “Локомотив”, АГМК, “Пахтакор”, “Бухоро”, “Металлург”, “Динамо”.

Қуръага кўра, “Бунёдкор” чемпионатнинг илк учрашувида “Нефтчи”га қарши ўйнайдиган бўлди. Мазкур баҳс 1 апрель куни 14:00да бошланади. Худди шу куни яна икки ўйин ўтказилади. “Сўғдиёна” – “Насаф”, “Навбаҳор” – “Максам-Чирчиқ” беллашувлари 16:00 ва 18:00га белгиланган.

Таъкидлаш жоиз, учрашувлар пойтахтимиздаги “Ўзбекистон” спорт мажмуасида ўтказилади.