“Бунёдкор” футбол клуби Тошкентдаги бир қатор мактаб, коллеж ва институтлар билан ҳамкорликни йўлга қўйиш, ўқувчи-ю, талабаларни табиий ҳолда, ўз хоҳишлари билан стадионга ташриф буюришларини таъминлаш мақсадида тадбирлар ўтказиб келмоқда. 

Бугун эрта тонгда жамоамиз расмийлари, мураббий ва футболчилари Тошкент шаҳридаги Сингапур менежментни ривожлантириш институтига ташриф буюрди.

Ташрифнинг аввалида институт мутасаддиларида талабаларга яратилган шароитлар билан таништиришди.

Айтиш керак, институт ўзининг сунъий қопламали майдонидан тортиб, бассейн, тренажер зал, бир нечта стол тенниси, замонавий залига ҳам эга. Буларнинг барчаси “Спорт маркази”да жойлашган. Қисқаси, талабалар нафақат билим олишлари мумкин, балки соғлом кун тартибига амал қилган ҳолда спорт билан мунтазам равишда шуғуллана олади.

Учрашув якунида институт билан “Бунёдкор” футбол клубининг ўзаро ҳамкорлиги шу билан тўхтаб қолмаслиги айтилди ва ўзаро режалар муҳокама қилинди.