“Bunyodkor” futbol klubi Toshkentdagi bir qator maktab, kollej va institutlar bilan hamkorlikni yo‘lga qo‘yish, o‘quvchi-yu, talabalarni tabiiy holda, o‘z xohishlari bilan stadionga tashrif buyurishlarini ta’minlash maqsadida tadbirlar o‘tkazib kelmoqda.
Bugun erta tongda jamoamiz rasmiylari, murabbiy va futbolchilari Toshkent shahridagi Singapur menejmentni rivojlantirish institutiga tashrif buyurdi.
Tashrifning avvalida institut mutasaddilarida talabalarga yaratilgan sharoitlar bilan tanishtirishdi.
Aytish kerak, institut o‘zining sun’iy qoplamali maydonidan tortib, basseyn, trenajer zal, bir nechta stol tennisi, zamonaviy zaliga ham ega. Bularning barchasi “Sport markazi”da joylashgan. Qisqasi, talabalar nafaqat bilim olishlari mumkin, balki sog‘lom kun tartibiga amal qilgan holda sport bilan muntazam ravishda shug‘ullana oladi.
Uchrashuv yakunida institut bilan “Bunyodkor” futbol klubining o‘zaro hamkorligi shu bilan to‘xtab qolmasligi aytildi va o‘zaro rejalar muhokama qilindi.
