Ҳозиргина якунланган “Локоматив” ва “Навбаҳор” клублари ўртасидаги учрашувдан сўнг, “Локо” футболчиси Игор Елични суҳбатга тортдик.
Авваламбор ғалаба билан табриклайман. Учрашув тўғрисида фикрларингиз?
Раҳмат! Учрашувда қийинчиликка учрадик. “Навбаҳор” бугун ажойиб ўйин кўрсатди. Тўғриси улардан мавсум бошида бундай ўйин кутмаган эдик.
Бугун “Локо” биринчи бўлимда жуда ёмон ўйин кўрсатди. Бунинг сабаби нимада?
Ўйлашимча мавсум энди бошлангани учун йигитлар тўлиқ формага кириб улгуришганича йўқ.
Мавсум энди бошланди деяпсиз, “Локомотив” бир нечта расмий учрашувларда майдонга тушишга улгурди-ку?
(Кулади) Балки бу биз учун камлик қилаётгандир…
ОЧЛнинг биринчи турида ҳам, бугун ҳам ҳисоб очилгандан сўнг жамоа негадир натижага ўйнамоқда? Бу мураббий томонидан берилган кўрсатмами ёки жамоанинг очиқ футбол ўйнашга кучи етмайдими?
Ёқ бу гапингизга қўшилмаган бўлардим. “Супер кубок”да очиқ футбол ўйнадик. Бугун шунчаки рақиб бизга бош зўналар деярли қолдирмади.
Сизни ҳимоячи сифатида кўриб ўрганиб қолганмиз. Андрей Фёдоров эса сизни таянч ярим ҳимоячи сифатида майдонга туширмоқда. Сиз учун қай бири қулай?
Аслида, таянч ярим ҳимоячисиман. Ўзбекистонга илк жамоамда Виктор Кумиков мени марказга кўчирган эди. Андрей Фёдоров эса яна ўз позициямга қайтарди. Мен учун қайси позицияда ўйнашнинг аҳамияти йўқ. Жамоамга фойда келтирсам бўлгани.
Яҳёхўжа Улуғхўжаев суҳбатлашди.
