Ҳаммаси ҳужумчи Антуан Семеньонинг "Борнмут"дан "Манчестер Сити"га ўтишига қараб кетмоқда. Битим яқин кунларда, узоғи билан якшанбагача расмийлаштирилиши мумкин. The Guardian нашрининг ёзишича, "шаҳарликлар" Семеньони сотиб олиш опциясида кўрсатилган суммани уч йил ичида тўламоқчи. Гап тахминан 65 миллион фунт (74,5 миллион евро) ҳақида кетмоқда.
Манбага кўра, "Манчестер Сити" аллақачон 25 ёшли Семеньо билан шахсий шартнома шартларини келишиб олган. Маош ҳафтасига 150 минг фунт (тахминан 171 минг евро) ва бонусларни ташкил этади.
2025/2026 йилги мавсумда Антуан Семеньо 18 та ўйинда майдонга тушиб, 9 та гол урди ва 3 та голли узатмани амалга оширди.
